Sonnenaufgang Sonnenaufgang

    Plattdüütsch

    Snevern Heidbleutenfest

    In Johr 1922 wörr eerstmols dat Heidbleutenfest, domals leupt dat noch ünner den Naam „Fest der weißen Rose“, in Snevern fiert. Intwischen kaamt jedet Johr Gäst un Inwahnerinnen und Inwahner ut Snevern tohoop, üm sick gemeesam vun de blöönde Heid in Bann trekken to laaten und dat Naturschauspeel to fiern.

    Dat traditionelle Heidbleutenfest to Ehr vun de blöönde Heid ward jeweils an` letzten Weekenend in´n August fiert un is dat gröötste Heimatfest in de Lünbörger Heid.

    An´ Festsünndag föhrt all Johr de amtierende Heidkönigin in Begleitung dörch een prächtigen Festümtog na dann Festplatz in Höpentaal.

    De bannig gooden Ideen un dat gelungene Ümsetten vun Festümtog sünd Tüchnis vun een allerbest ehrenamtliche Arbeit un ganz veel Fließ vun Snevern Börgerinnen un Börger sowie grote Tahl Vereen, Gruppen un Clubs.

    In Höpentaal kriecht de Lüüd jedes Joor as Festspeel von de Theoterspellers, de too´n Snevern Verkehrsvereen hört, een anert Stück to seen. De Freelichtbühne entsprickt mit ehr fein gestalten Kulissen den Charakter vun Höpen-Landschaftsschutzgebiet.

    Naa´nt Festspeel krönt de amtierende Heidkönigin eer Naafolgerin up de Freelichtbühne in´n Höpentaal mit een Krone ut blöönde Heid.

    Wat för een hübsche und charmante junge Dame ward in düss´n Johr de Lünbörger Heid verträen? Düt is de Fraach, de sick veele Besöcker und Snevern Lüüd stellt. Denn de Krönung vun de nee´e Heidkönigin is de Höhepunkt vun uus Heidbleutenfest.

    As Botschafterin vun de Lünbörger Heid ward de nee´e Heidkönigin up Reisen krütz un quer dörch Düütschland allen Interessierten us schöne Heideregion nöger bringen.